कृष्णा-वारणा संगमाचा रंग हळदीला..

३०० वर्षांपूर्वी थोरले चिंतामणराव अप्पासाहेब पटवर्धन यांनी सांगलीची उभारणी केली. एखाद्या नवयुवतीला शोभेल अशा शृंगाराप्रमाणे अखंड नटलेली व सजलेली नगरी म्हणून ‘सांगली’ ओळखली जाते. चहूबाजूंनी कृष्णा खोऱ्यातील खळखळणाऱ्या नद्यांचा साज व ऊसशेतीचा हिरवागार शालू परिधान केलेला हा परिसर उद्योग-व्यवसायाबाबतीत पिछाडीवर असला तरी शेतीमालाची एक मोठी बाजारपेठ म्हणून आपली ओळख टिकवून आहे. नाटय़पंढरीबरोबरच कला, क्रीडा, शिक्षण व सहकार क्षेत्रात सांगलीने मोठी भरारी घेतली आहे. परंतु सांगलीची खरी ओळख म्हणजे पिवळयाजर्द हळदीचे गाव...